Молитва перед Иконой Божией Матери «Семистрельная» («Умягчение злых сердец»)

Молитва 1-я
О многострадальная Мати Божия, Превысшая всех дщерей земли по чистоте Своей и по множеству страданий, Тобою на земли перенесенных, приими многоболезненныя воздыхания наша и сохрани нас под кровом Твоея милости. Иного бо прибежища и теплаго предчтательства разве Тебе не вемы, но, яко дерзновение имущая ко Иже от Тебе Рожденному, помози и спаси ны молитвами Своими, да непреткновенно достигнем Царствия Небеснаго, идеже со всеми святыми будем воспевать в Троице Единому Богу ныне и присно, и во веки веков. Аминь.

Икона Божией Матери Семистрельная

Акафист Пресвятой Богородице перед иконами ее "Умягчение злых сердец" и "Семистрельная"

Молитва 2-я

О кто не ублажит Тя, Дево Благодатная, кто не воспоет Твое милосердие к роду человеческому. Тебе молимся, Тебя просим, не остави нас во зле погибающих, раствори любовию сердца наши и ко врагам нашим пошли стрелу Свою, да уязвляет сердца наши миром к гонящим нас. Аще мир нас ненавидит - Ты простри любовь Свою к нам, аще мир нас гонит - Ты приими нас, подаждь нам Благодатную силу терпения - без ропота перенести испытания в мире сем бываемая. О, Госпоже! Умягчи сердца злых человеков, восстающих на нас, да не погибнут сердца их во зле, - но умоли, Благодатная, Сына Твоего и Бога нашего, да умирит сердца их миром, дьявол же - отец злобы - да посрамится! Мы же, воспевая милосердие Твое к нам, злым, непотребным, воспоем Ти, о Пречудная Госпоже Дево Благодатная, услыши нас в час сей, сокрушенныя сердца имущих, огради нас с миром и любовию друг ко другу и ко врагам нашим, искорени от нас всякую злобу и вражду, да воспоем Тебе и Сыну Твоему, Господу Иисусу Христу нашему: Аллилуиа! Аллилуиа! Аллилуиа!

 

Тропарь, глас 5

Умягчи наша злая сердца, Богородице, / и напасти ненавидящих нас угаси,/ и всякую тесноту души нашея разреши, / на Твой бо святый образ взирающе, / Твоим состраданием и милосердованием о нас умиляемся / и раны Твоя лобызаем, / стрел же наших, Тя терзающих, ужасаемся. / Не даждь нам, Мати Благосердная, / в жестокосердии нашем и от жестокосердия ближних погибнути, // Ты бо еси воистинну злых сердец умягчение.

Кондак, глас 2

Благодатию Твоею, Владычице, / умягчи сердца злодеев, / низпосли благодетелей, соблюдающи их от всякаго зла, / благомолящимся Ти усердно // пред честными иконами Твоими.

Печатный источник: Полный православный молитвослов для мирян

По теме статьи:

Понравился материал? Спасибо Вам за добавление этой статьи в:

Нравится Забобрить! +МоёМесто.ru

<< К списку статей | Наверх

Автор: | Опубликовано: 14.03.12 | Просмотрен: 13725 раз(а)

Распечатать Распечатать | Прислать фото Добавить фото | Обсудить на На форум Форуме

Хотите получать свежие статьи сайта Хозяйка.ру на электронную почту? Подпишитесь на нашу рассылку.

Введите сюда свой е-майл адрес:

ОтменитьДобавить комментарий